諸葛梓岐拒絕回應法拉叫她收口。
諸葛梓岐繼續出招，偕同男友公開亮相。
【東方日報專訊】日前因模特兒諸葛梓岐（Marie）踢爆無綫小花陳法拉的婚訊而引起兩女罵戰。前晚陳法拉出席活動時暗示叫對方收口，昨日輪到Marie出招，帶同男友薛嘉麟開工以示獲得對方支持，寸爆法拉示威。
陳法拉與梓岐兩位薛家未來新抱，因日前梓岐在傳媒面前踢爆法拉與薛家大少薛世恒已婚，引來法拉不滿，而爆發兩女罵戰。梓岐昨日由男友薛家二太子薛嘉麟陪同下開工，又揚言男友站在她這邊，以行動向法拉示威。梓岐出席行李箱品牌Samsonite活動，薛嘉麟在台下現身，罕有地高調捧女友場，二人還大方合照。
過年打小人
梓岐不諱言有男友陪開工很開心，問她是否以此示威？她否認說：「唔係，因為男友鍾意呢個品牌，而且星期日佢唔使返工，所以嚟。」不過，問到男友是否站在她這邊時，她得戚地說：「我相信係。」
對於法拉稱希望能減少是非，梓岐稱不會回應對方的說話：「我都想好好過年，唔想唔開心。（佢暗示叫你收聲？）你問番佢。我覺得是非多唔係咁好，開心最緊要。（新年要打小人？）唔好咁樣啦！（唔敢得罪「大嫂」？）我唔回應。我出嚟工作，希望大家唔好將我講嘅說話變咗個角度。」
早計劃結婚
至於陳法拉前晚為電影《72家租客》宣傳，在銅鑼灣派發揮春海報及書籤。對於近排是非頻頻，她說：「係，希望過年冇咁多。（有冇計劃結婚？）一路都有Plan，結婚係女仔人生中最大嘅事，好細個就諗，以前諗住廿幾歲結婚，依家三十幾歲結婚都唔出奇。（同另一半有共識？）另一半係對自己好重要嘅人，我會盡全力保護佢，佢唔係圈中人，我會好似保護父母保護佢。」不過，提起梓岐，法拉即說不想回應太多，還暗寸對方：「太多是非，講咗幾次，回應咗唔想再重複，希望佢都可以。」明顯想梓岐收口。
諸葛梓岐 Marie
生日：1983年8月20日
身高：5呎7吋
三圍：33C、25、34（吋）
成名路：08年拍「好立克」廣告入行；自稱從未搭過巴士，「公主病」經典人辦。
必殺技：自稱是諸葛亮第63代後人。
陳法拉 Fala
生日：1982年2月24日
身高：5呎7吋半
三圍：34B、24、34（吋）
成名路：05年國際華裔小姐亞軍
必殺技：獲周潤發點名力讚，人氣急升！
文：名人組
暫無評論